Li Îsfehanê ku 3yemîn bajarê herî mezin ê Îranê ye, teqînên li pey hev pêk hatin!

PeyamaKurd – Di dema ku gotegotên Îran wê êrîşî Îsraîlê bike di rojevê de bû, li Îsfehanê ku 3yemîn bajarê herî mezin ê Îranê ye 3 teqîn hatin bihîstin.

Di dema ku rageşiya di navbera Îran û Îsraîlê de berdewam dike, hat ragihandin ku li Îsfehanê ku 3yemîn bajarê herî mezin ê Îranê ye dengê teqînên dijwar hatin.

Li gorî nûçeya ajansa nîvfermî ya Mêhr a Îranê, li herêma Sepahan a Îsfehanê dengê 3 teqînan hat bihîstin.

Di dema ku dîmenên teqînan li ser medyaya civakî hatin parvekirin, Alîkarê Waliyê Îsfehanê Muhammed Riza Cansarî ragihand ku teqîn ji ber çalakiya perwerdehiyê pêk hatine. Derbarê mijarê de agahiyên berfireh nehatin parvekirin.