Li Iraqê hiskesalî: Bi hezaran cotkar ji gundan koçî bajaran dikin

PeyamaKurd – Hat ragihandin ku ji ber ziwatiya dijwar a li Iraqê bi hezaran cotkar ji gundan koçî bajaran kirin.

Wezareta Koç û Koçberan a Iraqê ragihand, ji ber ziwabûna li welat zêdetirî 7 hezar cotkar ji gundan koçî bajaran kirine.

Berdevkê Wezaretê Alî Cîhangîr ji çapemeniyê re axivî û diyar kir, ji bo kêmkirina bandora ziwatiyê wê bi Wezareta Çandinî û Çavkaniyên Avê re komîsyoneke hevpar ava bikin.

Cîhangîr destnîşan kir, ji bo destekkirina cotkaran û peydakirina mekanîzmekê yan wê bîr bên kolandin yan jî wê di çandiniyê de bi hewzên avdanê av bê dayîn û bi vî awayî ew ê hewl bidin rê li koçberiyê bigirin.