Li Iraqê biryara binçavkirina 58 rêvebiran hat dayîn

PeyamaKurd- Li Iraqê piştî di 1 ê cotmehê de xwepêşandan destpekirin, komîsyona têkoşîna bi gendeliyê re hat danîn û li ser daxwaza komîsyonê di asta bilind de 58 kesên ku wezîfe dikin, biryara binçavkirina wan hat dayîn. Biryara binçavkirina wan kesan ji aliyê dadgehê de jî hat erêkirin.

Di nava biryarê de kesên parêzger, wezîr, parlementer, serokê meclisa bajêr, endamên meclisan û parlementerên berê hene. Parlementoya Iraqê ragihand ku hukumet bi awayeka ji dil dixwaze bi gendeliyê re têkoşînê bike. Hukumet wê li ser daxwaza xwepêşandêran, ji hefteya pêşiya me û bi şûn de gavên bilez bavêje.