Li Iraqê 11 çekdarên DAISê hatin îdamkirin

PeyamaKurd – Hate ragihandin ku li Iraqê 11 çekdarên DAIŞê yên sizayê darvekirinê li ser wan hatibû sepandin hatin darvekirin.

Li gorî çavkaniyeke ewlekariyê ya ji girtîgehan ku ji Reutersê re axivîye, înfaza 11 endamên rêxistina terorîst DAIŞê roja duşemê pêk hatiye û hemû jî welatiyên Iraqê bûne.

Hate ragihandin ku kesên hatine îdamkirin ji terorê ceza li ser wan hatiye sepandinn.

Li aliyê din Rêxistina Efûyê ya Navnetewî roja Çarşemê ragihandibû ku hikûmeta Iraqê di înfazan de neşefaf tevdigere û dibe gelek kes bi awayekî nepen hatibin îdamkirin.