Li Ewropa hejmara pêketinên nû yê Koronayê gihîst asteke metirsîdar

PeyamaKurd – Li Ewropa, hejmara pêketinên nû yê Koronayê gihîşt asteke metirsîdar û zêdebûna pêketinên nû yên vîrusa Koronayê, fikaran çedike.

Li gor Dîrektorê Ewrupa yê WHO Hans Kluge diyar kir, di hejmarên pêketinên nû yên rojane ‘‘pir zêde’’ bûne.

Kluge diyar kir, mirinên ji ber vîrusa Korona jî roj bi roj zêdetir dibin.

Li gor nûçeya AFPê, li Ewropa ji 11,6 milyonan zêdetir kes bi vîrusa Korona ketine û 293 hezar kes bi wê can dane.

Ewropa di mehên Adar û Nîsanê de navenda belavbûna vîrusa Korona bû.

Hejmara pêketinên nû yên vîrusa Korona li Ewropa her çiqas di mehên havînê de kêm bûbûn jî, ji Cotmehê vir ve ew hejmar zêde dibin.