Li Efrînê talana çekdarên muxalefeta Sûriyê didome!

PeyamaKurd- Rêxistina Mafên Mirovan ya Dinyayê li ser rewşa Efrînê raporek weşand û talankirina çekdarên muxalefetê ku Tirkiye wan pişgirî dike, bi zimanekî tûj rexne kir.

Rêxistina Mafên Mirovan ya Dinyayê di rapora xwe de wiha got: Artêşa Azad ya Sûriyê li Efrînê malên xelkê talan dike. Tevî ku li nava bajêr şer deneket jî, malên malbatên ku ji xaniyên xwe derketine, bi bombeyan xira dikin.

Artêşa Azad ya Sûriyê bi piştgiriya Tirkiyê, êrîşî Efrînê kir û di 18ê Adarê de bajar kete destê wan de.

Li gorî daxuyaniyên Netewên Yekbûyî 137 hezar kes ji bajarê Efrînê derketine û penaber bûne.