Li Efrînê di navbera komên çekdar de pevçûn derket

PeyamaKurd - Şer û pevçûn di navbera 2 komên çekdar ên opozisyona Sûriyê li nav bajarê Efrînê derketin û di encamê de fermandarek birîndar bû.

Rêxistina Mafê Mirovan li Efrînê ragihand ku 2 komên grûpa el-Cebhe el-Şamiye li taxa el-Mehmûdiyê li firoşyarekî sivîl dabûn.

Li gor Rêxistina navborî, ji ber ku taxa Mehmûdiyê li jêr destê grûpa el-Şerqiyê ye, çekdarên wê komê di rûyê çekdarên el-Cebhe el-Şamiyê derketibûn.

Rêxistinê diyar kir ku çekdarên el-Cebhe el-Şamiyê teqe li du çekdarên el-Şerqiye bi navê Ebû el-Iz û Ebû Malik kirine û di encamê de, çekdarê bi navêl Ebû el-Iz birîndar bû û ji bo nexweşxaneyê hat veguhestin.