Li Dêrsim û Çewligê rêyên bi dehan gundan hatin girtin

PeyamaKurd – Hate ragihandin ku ji ber barîna berfa zêde li bajarên Dêrsim û Çewligê yên Bakurê Kurdistanê, di jiyana rojane de astengî çêbûn û rêyên bi dehan gundan jî ji ber berfa zêde hatin girtin.

Herwiha li 5 navçeyên Çewligê û li navçeyeke Dêrsimê rojek navber bo perwerdehîyê hate dayîn û dibe ew dem were zêdekirin jî.

Li bajarê Dêrsimê jî ji ber berf û pûkê rêyên 90 gundan hatin girtin û li herdu bajaran jî bandora neyînî ya berfbarînî didome.

Li aliyê din Saziya Keşnasiyê Meteorolojiyê ji bo bajarên Diyarbekir, Şirnex û Sêrtê jî hişyarî da ku dê sibe berf bibare û welatî bi tedbîr tevbigerin.