Li Çînê agir bi avahiya kompaniya Huaweiyê ket

PeyamaKurd - Li bajarê Dongguan ê bakurê Çînê, agir bi avahiya taqîgeha lêkolîna firotina pêwîstiyên kompaniya Huawei ya teknolojiyê ket û şewitî.

Li gor ajansa Reutersê ragihand, sê karmendên lêkolînê yên kompaniyê, di şewatê de can dane.

Di daxuyaniya Rêveberiya Agirkujiyê ya li nav bajarê Dongguan de hat diyarkirin, zêdetirî 50 wesayîtên agirkuj û 140 karmend di temirandina şewatê de beşdar bûn.

Heta niha sedema derketina şewatê nayê zanîn, lê li gor ajansa Reutersê êdî li avahiyê kar nayê kirin.

Taqîgeha lêkolînê ya Dongguan a kompaniya Huawei, depoya sereke ya hemû kelûpelên yedeg e ku li wir tora G5 dihate ceribandin.

Herwiha li gor agahiyan, ev taqîgeh beşek ji pîşesaziya Huawei ye.