Li Bexdayê alîgir û çekdarên Hesda Seibî xwepêsandanek li dar xistin

PeyamaKurd – Li Bexdayê, xwepêşandanek bi dirûşmên li dijî Amerîkayê, ji aliyê alîgir û çekdarên Heşda Şeibî ve hat lidarxistin.

Ji bo bîranîna kuştina Fermandarê Feyleqa Qudsê ya Supaya Pasdaran a Îranê Qasim Suleymanî û Cîgirê Serokê Desteya Heşda Şeibî Ebû Mehdî Muhendis, bi sedan kesên alîgir û çekdarên Heşda Şeibî, li Bexdayê xwepêşandanek li dar xistin û dirûşmên li dijî Amerîkayê, bi bilindkirina wêneyên Suleymanî û Muhendis gotin.

Herwiha Serokê Desteya Heşda Şeibî Falih Feyaz û Serokê Hevpeymaniya Feth Hadî Amirî jî beşdarî merasîma bîranîna Suleymanî û Muhendis bûn, ku do di 1ê Çileya 2021ê li paytexta Îranê bajarê Tehranê bi rê ve çû.