Lavrov: Pistî rêkeftinên bi Tirkiyê re erdên ketin destê Samê zêde bûn

PeyamaKurd – Wezîrê Derve yê Rûsyayê Sergey Lavrov di civîna rojnamevanî ya ligel Serokê Sûriyê Beşar Esed de, ragihand ku piştî rêkeftinên Rûs-Tirk bo Idlibê, erdên ku ketine jêr kontrola hikûmeta Sûriyê bi awayekî diyar zêde bûne.

Lavrov diyar kir ku ev yek bi rola rêkeftinên Rûs-Tirk pêk hatiye û got, rêkeftinên hatine kirin zelal in û opozîsyon û terorîstan ji hev cuda dikin.

Wezîrê Rûsî da xuyakirin ku di hemû rêkeftinên ligel Tirkiyê de, hevdîtinên Astana jî tê de, tê gotin ku wê Rûsya û Tirkiye rêzê li yekparçebûn û serweriya Sûriyê re bigirin û dê ev xebat heta bigihin encamê berdewam bikin.