Numan Kurtulmuş bersiva pirsa 'mafê hêvîkirinê' da

Serokê Perlemanê Numan Kurtulmuş, derbarê rapora dawî ya komîsyona ku ji bo diyarkirina gavên yasayî yên di pêvajoya feshkirina PKKê de hatibû avakirin, axivî.

Kurtulmuş ragihand ku pêşnûmaya rapora hevpar a ku ji aliyê nûnerên partiyên siyasî yên xwedî kom di perlemanê de hatiye amadekirin, ji partiyan re hatiye şandin û rapor dê piştî danûstandin û dengdanê pêşkêşî Serokatiya Perlemanê bibe:

"Erka vê komîsyonê amadekirina raporê, temamkirina karê xwe û pêşkêşkirina raporê ji perlemanê ye. Ev komîsyon ne komîsyoneke a yasadanînê ye. Ev komîsyon ne qanûnan çêdike ne jî destûran amade dike. Di çarçoveya rêkar û prensîbên xebatê yên ku me di civîna yekem de qebûl kirin de, dê erkên xwe bi cidiyeteke mezin bi cih aniye. Gelek hindik maye. Piştî dengdana li ser vê yekê, erka komîsyonê dê bi dawî bibe."

Kurtulmuş bersiva pirsa, "Derbarê rapora hevpar de li ser 'mafa hêvîkirinê' nîqaş hebûn. Gelo dê di rapora hevpar de li ser vê yekê ti naverok hebe? Gelo dê dema kar a komîsyonê were dirêjkirin eger amadekirina rapora hevpar zêdetir dem bigire?"

"Dema ku rapor di forma xwe ya dawî de be, dê herî guncaw be ku mirov ji gel re parve bike ka di pêvajoya amadekariyê de di nav komîsyonê de li ser kîjan mijaran nîqaş hatine kirin. Ji ber vê yekê, hun nikarin ji min derbarê naverokê de peyvekê jî bibihîsin."