Kujerê komkujiya Konyayê Mehmet Altun sandin zîndanê

PeyamaKurd – Mehmet Altun ê ku di 30 yê temmûzê de li navçeya Meram a bi ser Konyayê de ji malbata Kurdên ji Qersê ya Dedeoğulları 7 kesan kuştibû, îro derxistin dadgehê û dadgeh wî tewqîf kir û çand zîndanê.

Mehmet Altun piştî bûyerê bi 6 rojan li Konyayê li navçeya Bozkırê di goristanekî de hatibû girtin û îro wî birin Dadgeriya Sulh Cezayê ya nobedar û ji sûcên ‘bi plan û bi hîsên hovane ya kuştina 7 kesan’,’ bi şewatê zerar dayîn’, ‘derketina li dijî qanûna hilgirtina sîlih’ û ‘’îhlala îmtîyaza malan’ hat zîndanîkirin.

Niha ji ber bûyerê 10 kesên din jî di zîndanê de ne ku yek ji wan hevjîna Mehmet Altun e.