Komeke milîsên şîe çekên xwe radestî hikûmeta Iraqê kir

RûpelNews - Di daxuyaniyeke nivîskî de ku ji aliyê Komîsyona ji bo Berhevkirina Çekan û Qutkirina Têkiliyan a di bin Kontrola Dewletê de ya girêdayî hikûmetê ve hat weşandin, hat gotin ku hûrgiliyên personel, envantera çekan û tomarên wesayîtan ên Ketayîb Îmam Elî hatine wergirtin.

Di daxuyaniyê de hat destnîşankirin ku komîsyona ku ji bo tesfiyeya komên çekdar ên li derveyî kontrola dewletê dixebitin û entegrekirina wan di nav hêzên ewlehiyê de hatiye damezrandin, li gorî bernameya hikûmetê ya Serokwezîr û Fermandarê Giştî yê Hêzên Çekdar û di çarçoveya plana ku ji aliyê Encûmena Nûneran ve hatiye pejirandin de, karê xwe didomîne.

Berê li Iraqê, koma Seraya Selam a girêdayî rêberê Şîe Muqteda Sedr, jî wesayît û çekên xwe radestî hikûmetê kiribû.

Tevgera Esaîb Ehlîlhak, komeke din a milîsên Şîe, jî diyar kiribû ku ew li hember radestkirina çekan ji dewletê re helwesteke erênî digire.

Lêbelê, hin koman, wekî Hizbulaha Iraqê û Tevgera Nuceba, diyar kiribûn ku ew dê çekên xwe radest nekin.