Kiliçdaroglu daxuyanî li ser êrîsa li hemberî xwe da

PeyamaKurd – Kiliçdaroglu got, "Ev meseleya pereyekî mezin e" û destnîşan kir, ew di serdema hilbijartinê de li hêviya provokasyonê ne.

Namzedê Serokomariyê yê Tifaqa Netewî û Serokê Giştî yê Partiya Komarî ya Gel (CHP) Kemal Kiliçdaroglu piştî hewlên êrîşa do li Semsûrê li ser hesabê xwe yê medyaya civakî daxuyanî da.

Kiliçdaroglu got, "EV meseleya pereyekî mezin e" û got:

“Ji ber vê yekê ez li bendê me ku di dema hilbijartinê de provokasyon bên kirin. Ew ê hewl bidin ku rastiyan veşêrin û rastiyan berovajî bikin, lê zanibin ku ew tenê pere ne, pereyên we yên dizî ne. Ez ji we daxwaz dikim ku hûn aram bin. Em tenê bi hev re dikarin vê bikin.”

Kiliçdarogluyê ku di Civîna Koma Meclisê ya CHPyê da jî vîdeoya parve kir, di peyama xwe da wiha got:

“Eger tiştek bi min bê, baweriya min bi gelê min be, hûn ê wê 418 milyar dolaran berhev bikin. Ew pere pêşeroja ciwanên me ye. Ew pere aîdî bebekên vî welatî ne. Hûnê her qurişê kom bikin.”

Kiliçdaroglû li Semsûrê ya ku do ji ber erdhejên navenda Mereşê hilweşiya bû rastî 3 provokasyonên cuda hat. Konvoya Kiliçdaroglu ya ku di dema ziyareta goristanê û paşê tirbeyê de rastî êrîşa devkî hat, li Kahtayê jî rastî êrîşa bi pazan hat û ji neçarî geşt betal kir.