Kestiya koçberan binav bû: Herî kêm 39 kes mirin

PeyamaKurd – Hat ragihandin ku îro 21ê Hezîranê keştiyeke koçberan a ku bi dehan kes tê de bûn, di navbera giravên Fas-Kanarya de binav bû.

Li gorî ragihandina ajansa Reutersê di keştiyê de 59 kes hebûn û ji wan 39 kesan can da.

Hat diyarkirin ku xebatên lêgerîna bo 20 kesên winda ji aliyê hêzên perevaniya Îspanya û Fasê ve dewam dike.

Hefteya borî jî li peravên nêzî Yûnanistanê keştiyeke koçberan a bi qasî 750 kes tê de bûn binav bûbû, 104 kes hatibûn rizgarkirin û termê 82 kesan hatibû derxistin. Aqûbeta nêzî 500 koçberan hîn jî nediyar e.