Kerkûk | Hesda Sebî û hêzên Iraqî bi hev ketin

PeyamaKurd - Hat ragihandin ku li Kerkûkê di navbera grûba Heşda Tirkmenî ya girêdayî Heşda Şebî û hêzên Dijeterora Iraqê de şer rû da.

Li gor zanyariyan şer û pevçûna hêzên Heşda Tirkmenî û Dijeterora Iraqê bi şev li nêzîkî nexweşxaneya Cumhuriyet a navenda bajarê Kerkûkê rû daye û bi qasî 20 deqeyan berdewam kiriye.

Li gor çavkaniyên Kerkûkê dengê çekan bilind bûye, lê derbarê ziyanên canî de ti zanyariyek nehatiye.

Rayedarekî ewlekariyê jî ji medya Iraqî re ragihandiye ku şer û pevçûn li dorûbera avahiya rêveberiya Kerkûkê pêk hatiye, lê derbarê sedem û encaman de ti zanyarî nedan.