Kazimî: Banga gera sêyem a dîyaloga nistimanî dikim!

PeyamaKurd – Serokwezîrê Iraqê Mistefa Kazimî, di hevpeyvîneke ligel televizyona fermî ya Iraqê de, ji bo derbaskirina xitimandina siyasî banga gera sêyem a dîyaloga niştimanî kir.

Kazimî ku niha ji bo 77emîn Civata Giştî ya Neteweyên Yekbûyî li New Yorkê ye, ji kanala Iraqê re ragihand: "Ji bo çareserkirina kêşeyên xwe, banga gera sêyem a dîyaloga niştimanî dikim. Ji bilî diyalogê ti bijardeyeke me ya din tune ye.”

Herwiha Kazimî got ku ew dê di gotara xwe ya li Civata Giştî ya NY de, behsa rewşa siyasî, aborî, çandî û zehmetiyên ku Iraq rûbirûyî wan bûye bike.