Jin piştî zayînê jiyana xwe ji dest da; bijîşk hat girtin

RûpelNews - Li gorî agahiyan, Edanur Yaman piştî ku li nexweşxaneyeke taybet a bajêr emeliyata sezeryanê bû, rewşa wê ya tenduristiyê bi giranî xirab bû.

Piştî destpêkirina tedawiya destpêkê, rewşa wê girantir bû û ew rakirin Nexweşxaneya Zanîngeha Harranê. Tevî ku li beşa lênêrîna awarte hat dermankirin û destwerdana bijîşkî lê hat kirin jî, ew nehat rizgarkirin.

Serdozgeriya Komarê ya Rihayê, piştî giliyê malbata Edanur Y., derbarê bûyerê de lêpirsîn da destpêkirin.

M.Z.D., bijîşkê jinan û zayînê yê nexweşxaneya taybet ku di çarçoveya lêpirsînê de hatibû desteserkirin, piştî karûbarên li emniyetê sewqî dadgehê hat kirin û ji aliyê dadwerê nobedar ve hat girtin.

Di vê navberê de, hat ragihandin ku rewşa tenduristiya pitikê baş e.