Ji Tirkiyê bersiva Trump: Xetayeke kujende ye...

PeyamaKurd - Berdevkê Serokomarê Tirkiyê Îbrahîm Kalin daxuyaniya Serokê Amerîkayê Donald Trump a li ser twitterê wekî 'xetayeke kujende' bi nav kir û got, ‘Tirkiye ne bi Kurdan re bi terorê re şer dike.’

Kalin li ser hesabê twitterê navê Trump nîşan kir û bersiv da daxuyaniya ku gotiye, ‘Heger Tirkiye li Kurdan bixe, dê ji hêla aborî ve Tirkiyê têk biçe.’

Berdevkê Serokomarê Tirk got ku Tirkiye hêvî dike Amerîka berpirsiyariyên xwe yên şirîkatiya stratejîk bicih werîne û got, "Birêz Donald Trump, xetayeke kujende ye ku Kurdan û şaxê PKK ya nav lîsta terorê, PYD/YPGê wekî hev dibînî. Tirkiye têkoşîna terorîstan dike, ne ya Kurdan. Kurdan û Sûriyeyiyan ji gefa terorê diparêze.”