Ji siyasetmedarê Iraqî hisyarî: Hilgirtina çekan nabe çareserî!

PeyamaKurd – Siyasetmedarê Iraqî yê Serokê Bereya Rizgarî û Geşepêdana Iraqê Usame Nuceyfî li ser rewşa siyasî ya Iraqê hişyarî da û anî ziman ku hilgirtina çekan nabe çareserî.

Siyasetmedarê diyar ê Iraqê Usame Nuceyfî ji kanala El Hurre re ragihand, proseya siyasî li Iraqê li ser mirinê ye, rewş gihîştiye asteke gelek xirab û metirsîdar, ji bo dîtina çareseriyê, divê pêngavên pratîk û bilez werin avêtin.

Nuceyfî diyar kir ku rewş ber bi têkçûnê ve diçe, çareseriya bingehîn tenê danîna serokwezîr û tîmeke hikûmetê ya bêalî ye, da ku di demeke kin de, amadekarî ji bo encamdaan hilbijartinan were kirin.

Usame Nuceyfî da zanîn, divê Parlamentoya Iraqê yasaya hilbijartinan sererast bike û komîsyoneke nû destnîşan bike.

Herwiha  Nuceyfî derbarê rûbirûbûna serbazî de hişyariyê da û got: “Dibe ku şerê navxwe li Iraqê çêbibe, rewş diguhere, loma divê demildest çareseriyek were dîtin û rêkeftin di navbera

Nuceyfî destnîşan kir: “Çekhilgirtina li dijî hev, rewşê çareser nake, ti kes di vî şerî de jî bi ser nakeve.”