Ji PDKê daxuyaniya vegera Kerkûkê: Em ê bi heybeta xwe vegerin!

PeyamaKurd - Berpirsê baskê Partiya Demokrata Kurdistanê (PDK) yê Kerkûkê Mihemed Kemal, li ser vegera PDKê ya Kerkûkê û radestkirina binkeyên wan got, “Em amade ne ji bo vegera Kerkûkê, rêkeftin jî heye ji bo wê, tişta ku maye hikûmeta Iraqê wê rêkeftinê bicih bike.”

Mihemed Kemal da zanîn: “Diyare ligel hikûmeta Iraqê, li ser hin xalan rêkeftin pêk hatiye û li gor wê rêkeftinê divê em vegerin û binkeyên me jî bên dayîn û bi heybeta xwe ve em wegerin.”

Hêjayî gotinê ye, ji dema bûyerên 16ê Cotmeha 2017an ve rewşa Kerkûkê ne asayî ye û PDKê jî ji bo vegere Kerkûkê hewldanên xwe zêde kirine ku dê PDK rêgiriyê li hewldanên erebkirina Kerkûkê bike.