Ji du birayên diçûn Samê û hatibûn girtin yek hate berdan

PeyamaKurd- 16ê Mijdarê Avan Mîro (23) û Ebdulmutelib Mîro (20) ên birayên hev ên ji bajarê Dêrika Rojavayê Kurdistanê ku ji bo tomarkirina zanîngehê berê xwe dabûn Şamê bi rê de li ser rêya Reqa-Şamê ji aliyê çekdaran ve hatibûn revandin.

Li gorî agahiyên ji malbatê hatine wergirtin, her du bira li ser benda kontrolê ya bi navê "Meidanê" ku 70 kîlometreyan dûrî Reqayê ye di otobûsê de bûn, lê çekdaran li ser bendê dema telefonên wan kontrol kiribûn, ew bi xwe re biribûn.

Malbatê îro 19ê Mijdarê diyar kir ku kurê wan Avan bi telefonê peywendî kiriye û gotiye ew hatiye berdan, lê hîna birayê wî girtî ye û dê heta 2 rojên din were berdan.