Ji Amerîkayê êrîsa asmanî li dijî DAISê

PeyamaKurd - Fermandariya Artêşa Amerîka ya Afrîkayê (AFRICOM) bi daxuyaniyekê ragihand ku hêzên wan ên asmanî li herêma Puntland a Somaliyê hejmareke çekdarên DAIŞê kuştine.

Li gorî daxuyaniyê êrîş bi hevkariya hikumeta Somaliyê li devereke li başûrê rojhilatê Bosaso û Puntland a bakurê rojhilatê Somaliyê hat kirin.

Hate diyarkirin ku di encama êrîşê de hejmareke çekdarên DAIŞê hatine kuştin û ti zirar li sivîlan nebûye.

Hêzên Amerîka di meha Sibatê de jî êrîşên asmanî li Somaliyê li dijî DAIŞê pêk anîbûn. Rayedarên Puntlandê dibêjin, berpirsên DAIŞê yên sereke hatine kuştin.