Îsraîl: Îran ji bo hemû cîhanê gef e

PeyamaKurd – Wezîrê Berevaniya Îsraîlê Benny Gantz, li Washingtonê ragihand ku Îran ne tenê ji bo wan ji bo hemû gerdûnê gef e.

Gantz got: “Îran di serî de ji bo gerdûnê piştre ji bo herêmê û dawiyê jî ji bo Îsraîlê gef e.”

Herwiha Gantz anî ziman ku welatên Erebistana Siûdî û Îmarat jî rûbirûyî êrîşên Îranê dibin û bal kişand ser peymanên asayîkirina pêwendiyan bi welatên erebî re ku dibin sedema pêşxistina pêwendiyan û derfetên nû bo gelên wan welatan.

Gantz destnîşan kir ku hebûna Îsraîlê ji bo welatên herêmê qezencek e û diyar kir, Îsraîl ji ti welatekê herêma Rojhilata Navîn re nabe gef.