Iraq: Hejmarek berpirs û 5 çekdarên DAISê hatin girtin

PeyamaKurd -  Berdevkê fermandarê giştî yê hêzên çekdarên Iraqê ragihand ku hejmarek rêveberên rêxistina terorîst a DAIŞê hatine girtin.

Berdevkê fermandarê giştî yê hêzên çekdarên Iraqê Lîwa Yehya Resûl, bi daxuyaniyeke nivîskî girtina 5 çekdarên DAIŞê li 3 navçeyên cuda yên Iraqê ragihand.

Lîwa Yehya Resûl got: “Hêzên dijeterorê ên Iraqê du çekdarên DAIŞê yên pisporê çêkirina bombeyan li navçeya Tarmiye ya Bexdayê û 3 çekdarên din jî li Felluce û Rumadî girtine.”

Herwiha hat diyarkirin, hêzên dijeterora Iraqê hejmarek rêveberên DAIŞê jî girtine û wê di demeke guncaw de dema girtina wan jî bê belav kirin.