Iraq: Di meha Nîsanê de bi 10 milyar dolaran petrol hat firotin

PeyamaKurd-Wezareta Petrolê ya Iraqê, di derbarê kar û barên firotina petrolê ya meha Nîsanê de dane parve kirin. Li gorî daneyên fermî, zêdetirî 10 milyar dolaran petrol hatiye firotin.

Di daxuyaniya ku ji aliyê Wezareta Petrolê ya Iraqê ve hat dayîn de hat gotin ku ev buha, bi firotina 3 milyon û 380 bermîl petrolê hatiye bidestxistin. Wezaretê da zanîn ku her bermîlek bi 104 dolaran hatiye firotin û bi giştî 10 milyar û 550 milyon dolar heqê firotina petrolê bi dest ketiye.