Iraq | Bi katyûsayan êrîsî baregeha hêzên Amerîkî kirin

PeyamaKurd – Hat ragihandin ku baregeha hêzên asmanî ya Eyn El-Esed a Hêzên Hevpeymaniya Navdewletî ya Dijî DAIŞê ku li parêzgeha Enbarê ya Iraqê ye rastî êrîşa moşekî hat.

Li gorî nûçeya Alsumaria Newsê çavkaniyê gotiye 3 moşekên katyûşayê ber bi baregeha Eyn El-Esedê ya asmanî ve hatine avêtin ku yek ji wan li nêzî niştecihbûna malbatan a li taxa Muesese ya herêma Bexdadî ya rojhilat ketiye.

Hat diyarkirin ku di encama wê êrîşê de ziyanên madî  û canî çênebûne.

Hêjayî gotinê ye, li baregeha Eyn Esedê hêzên Amerîkî dimînin û gelek caran milîsên îranê bi moşekan êrîşî wê baregehê dikin.