Îranê êrîş li baregehên Amerîkayê kirin
Piştî ku Amerîka tola helîkoptera xwe ya Apache ku ji aliyê Îranê hat xistin hilanîbû Îranê jî êrîş bir ser baregehên Amerîkayê yên li Kendavê.
RûpelNews - Pasdarên Îranê êrîşên moşekî û dronî li dijî baregehên leşkerî yên Amerîkayê li Kendavê pêk anîn. Rayedarên Amerîkî diyar kirin ku êrîşên wan bi dawî bûne û rêveberiya Trump bawer dike ku ev çalakî dê danûstandinên aştiyê yên muhtemel lawaz nekin.
Îranê êrîş li baregehên Amerîkayê kirin
Hikûmeta Tehranê li tesîsên leşkerî yên Amerîkayê yên li Behreyn, Urdun û Kuweytê xist. Di klîbeke vîdyoyê de ji Behreynê, ku cihê erdnîgarî yê wê ji aliyê CNNê ve hat piştrastkirin piştî ku li welêt dengê sîrenan hat bihîstin, demeke kurt şûnde li nêzîkî baregeheke Amerîkî çirûskek ronahiyê hat tomarkirin. Hikûmetên Urdun û Kuweytê ragihandin ku wan bi bikaranîna sîstemên xwe yên parastina hewayî hinek êrîş asteng kirine.
Medya dewleta Îranê ragihand ku li sê herêmên stratejîk ên derdora Kendava Hurmuzê dengê teqînan hat bihîstin. Li gorî kanala dewletê, êrîşan rasterast li du depoyên avê xistin û dabînkirina avê ya herêmê qut kir. Heta niha derbarê zirara li binesaziya enerjiyê ya herêmê de ti rapor nehatine wergirtin.
