Îranê careke din deverên sînorî yên Herêma Kurdistanê topbaran dike

PeyamaKurd – Artêşa Îranê, careke din deverên sînorî yên Herêma Kurdistanê topbaran kir.

Topxaneyên Îranê, îro danê sibê dîsa deverên derdora nahiya Sîdekan a bajarê Soran ê Herêma Kurdistanê topbaran kir.

Li gorî zanyariyan, herî zêde zozana sînorî ya Berbizina hat topbarankirin.

Di nav 5 rojên borî de, ev cara çarem e Îran bi behaneya hebûna hêzên Rojhilatî deverên sînorî yên Herêma Kurdistanê topbaran û bordûman dike.