Îran îdiayên êrîşên li ser Nexçîvanê red kir

RûpelNews - Fermandariya Giştî ya Hêzên Çekdar ên Îranê derbarê êrîşa bi dronan li ser Balafirgeha Navneteweyî ya Nexçivanê li Komara Xweser a Nexçivanê ya Azerbaycanê de daxuyaniyek weşand.

Di daxuyaniyê de teqez kir ku Îran rêzê li serweriya hemû dewletan, bi taybetî welatên Misilman û cîran digire û diyar kir ku nûçeyên li ser êrîşa bi dronan li ser Azerbaycanê ne rast in.

Her wiha di daxuyaniyê de Îranê, Îsraîl wekî "rejîmeke siyonîst a sexte" bi nav kir, bi çalakiyên ku armanc dikin têkbirina têkiliyên di navbera welatên misilman de bikin, hat tawanbarkirin. Îranê îdia kir ku, li gorî lêpirsînên berdewam, dibe ku ev îdia ji bo sûcdarkirina Îranê hatibin çêkirin.

Azerbaycan: Êrîş bêbersiv namîn e

Wezareta Parastinê ya Azerbaycanê êrîş şermezar kir û îdia kir ku Îran berpirsiyar e. Di daxuyaniyê de wiha hat gotin: "Em bi eşkere êrîşên ku ji hêla Hêzên Çekdar ên Îranê ve li dijî binesaziya sivîl a li ser axa me hatine kirin şermezar dikin. Îran bi tevahî berpirsiyarê vê bûyerê ye."

Her wiha di daxuyaniyê de hat destnîşankirin ku tedbîrên pêwîst ji bo parastina yekparçeyiya axa welêt û serweriya wê û misogerkirina ewlehiya sivîlan têne amadekirin û wiha hat gotin: "Êrîş bêbersiv namîn e."