Hunermendê dêrîn ê Silêmaniyê Hesen Dilsoz jiyana xwe ji dest da

PeyamaKurd – Ji ber nexweşiyê, hunermendê dêrîn ê bajarê Silêmaniyê Hesen Dilsoz şeva borî jiyana xwe ji dest da.

Kurê hunermend Hesen Dilsoz, Arî Hesen Dilsoz îro ragihand ku şeva borî bavê wî ji ber nexweşiyê jiyana xwe ji dest daye.

Hesen Husên Mihemed ku wek Hesen Dilsoz tê nasîn sala 1946ê li taxa Serşeqam a Silêmaniyê ji dayîk bûye û hunermendekî kevin ê bajarê Silêmaniyê ye. Ji sala 1968ê ve karê hunerî dike û beşdarî gelek şano û dramayan bûye.