Hinardeya Petrola Kerkûkê ya bi ser Ceyhanê de rawestiya: Zêdetirî 3 milyon bermîl...

PeyamaKurd – Hat ragihandin ku ji ber ji 25ê Adarê ve rawestandina hinardekirina petrola Kurdistanê bi ser Tirkiyeyê de, veguhestina petrola Kerkûkê ya bo bendera Ceyhan a Tirkiyeyê jî rawestiyaye.

Hat diyarkirin ku depoyên petrola Kerkûkê yên xwedî kapasîteya 3 milyon bermîlan ji ber rawestandina hinardeyê vala mane.

Li gorî çavkaniyeke ji kompaniya Northern a neftê, zêdetirî 3 milyon bermîl petrola Kerkûkê kom bûye, lê ji bo depoyan nehatiye veguhestin û di depoyan de tenê 10 hezar bermîl petrol maye.

Beriya biryara Dadgeha Tehkîmê ya Parîsê ku 25ê Adarê hinardeya petrola bi ser Kurdistan û Tirkiyeyê de rawestand, li gorî amarên Wezareta Petrolê ya Iraqê ji qadên petrolê yên Kerkûkê mehane 2,5 milyon bermîl zêdetir petrol dihat hinardekirin.