Hicrî: Wekî durzî, em beşekî Îsraîlê ne ku jê nayên veqetandin
Rêberê ruhanî yê durziyên Sûriyê Hikmet el-Hicrî, derbarê têkiliyên bi Îsraîlê re û paşeroja herêmê de gotinên balkêş kirin. Hicrî, amaje pê kir ku durzî bi Îsraîlê re xwedî girêdanên dîrokî û olî ne û got: "Em, Muwahîdûn, wek durzî, beşekî ji Dewleta Îsraîlê ne."
RûpelNews - Di daxuyaniya xwe de, Hikmet el-Hicrî tekez kir ku Îsraîl ji bo wan xwedî cihekî navendî ye û destnîşan kir: "Em di warê baweriyê de jî bi vê dewletê, Dewleta Îsraîlê re, şirîk in. Em her tim tekeziyê li ser hêmanê dîrokî dikin. Wek Muwahîdûn, wek durzî, em beşekî Îsraîlê ne ku jê nayên veqetandin."
"Em bi parastina vê îdeolojiyê û vê dewletê re eleqedar in"
Hicrî, ku diyar kir ew girîngiyê didin parastina vê nêzîkatiyê, hêviya xwe anî ziman ku welatên din ên li herêmê jî dê têgihiştineke bi vî rengî bipejirînin.
Hicrî got, "Ji ber vê yekê, em bi parastina vê îdeolojî û vê dewletê re eleqedar in. Em hêvî dikin ku deverên din ên herêmê vê nêzîkatiya mirovî wek mînak bigirin û dewletên xwe bi awayekî rast ava bikin. Mafê dewletan e ku ji bo parastina xwe tiştan ava bikin."
Giringî li ser welatên Rojava û Îsraîlê
Rêberê durziyan, ku destnîşan kir ew di serdema pêş de li benda geşedanên nû ne, bal kişand ser rola welatên Rojava û Îsraîlê di vê pêvajoyê de.
Hicrî got, "Wext hatiye ku di rojên pêş de geşedanên nû derkevin holê. Em bi rastî li benda wan in" û wiha domand:
"Dewletên ku di van mijaran de cih digirin dewletên Rojava ne: Ewropî, Amerîkî û helbet, Dewleta Îsraîlê. Ji nêrîna me, ev mijara sereke ye. Em li benda encaman in."
"Mafê çarenûsiyê"
Hicrî, xwesteka xwe ya ji bo aştiyê li seranserê herêmê anî ziman û diyar kir ku pêşîniya wan ew e ku di herêma xwe de aramiyê misoger bikin.
Hicrî destnîşan kir ku herêma navborî dikare bibe xaleke destpêkê ji bo aramiyeke berfirehtir û got, "Em ji bo aştiyê li seranserê herêmê hêvîdar in. Lêbelê, berî her tiştî, ji bo herêma me girîng e ku bigihîje aramiyê. Ji ber ku ev dikare bibe yekem kevirê bingehîn an jî kevirê bingehîn ji bo avakirina aramiyê li seranserê herêmê."
Hicrî got ku divê herêm "maf û serweriya xwe ya tam" misoger bike û got, "Dema ku bi rastî mafên xwe, serweriya xwe ya tam û mafê çarenûsiyê misoger bike..."
