Hevpeymaniya Navdewletî: Zêdetirî 26 hezar hesabên DAISê yên medyaya civakî hatine jinavbirin

PeyamaKurd – Hevpeymaniya Navdewletî ya dijî DAIŞê diyar kir, heta niha li Iraqê zêdetirî 26 hezar hesabên DAIŞê yên medyaya civakî hatine jinavbirin.

Li gor Berdevkê Hevpeymaniya Navdewletî ya dijî DAIŞê Wayne Marotto ragihand: “Teror û tundrewî, li ser hemû civakan gefên herî mezin in. Di dema borî de Dije-Terora Iraqê 26 hezar û 280 hesabên DAIŞê û yên alîgirên wê rêxistina terorê yên medyaya civakî li Iraqê jinav birin.

Wan hesabên medyaya civakî, propagandaya DAIŞê kirine û zanyarî û nûçeyên nerast û tirs û dudilî belav kirine.