Herzog banga pistgiriyê ji Netanyahu re dike

PeyamaKurd – Serokdewletê Îsraîlê Îshaq Herzog diyar kir ku eger pêşnûmeya agirbesta li Şerîda Xezzeyê ya ji aliyê Serokê DYA Joe Biden ve hatibû ragihandin, qebûl bike, ew ê piştgiriyê bidin Serokwezîr Benjamin Netanyahu.

Herzog di axaftina xwe ya li konferansa hiqûqê ya ku li Zanîngeha Tel Avîvê hat lidarxistin de ev daxuyanî da:

"Min ji Serokwezîr re got ku ez ê piştgirîya wî û hikûmetê bikim di gihandina rêkeftinekê de ji bo azadkirina dîlên (di destê Hamasê de)."

Herzog di berdewamiya gotinên xwe de got, "Di mijara welatiyên Îsraîlî yên ku ji aliyê dewletê ve nayên parastin, divê di çarçoveya peymana ku wê berjewendiyên ewlekariya dewleta Îsraîlê biparêze, bên vegerandin."

Biden di axaftina xwe ya li Qesra Spî ya 31ê Gulanê de diyar kiribû ku Îsraîlê pêşniyareke nû ya agirbestê ku ji 3 qonaxan pêk tê pêşkêş kir, di qonaxa yekem de jî agirbesta 6 hefteyan pêk tê û got ku Îsraîl plan dike ku ji niştecihên Xezzeyê vekişe û hin girtiyên ku di destê aliyan de ne azad bike.

Biden diyar kir ku di qonaxa duyemîn de ku wê danûstandinên derbarê derbasbûna ji bo rawestandina mayînde ya şer de bên kirin de, di nav de leşkerên mêr jî di nav de hemû dîlên zindî bên berdan.

Îsraîl dê ji Xezzeyê vekişe (di qonaxa yekem de), agirbesta demkî wê veguhere dawîhatina hertimî ya şer û di qonaxa duyem de jî eger alî li ser hemû mijaran bigihin rêkeftinekê û agirbest mayînde bibe, wê qonaxa sêyem berdewam bike û di vê qonaxê de proseya jinûveavakirina Xezzeyê wê were rojevê.