Gates: Bi îhtimaleke mezin berî korona bidawî bibe wê bi milyonan mirov bimirin

PeyamaKurd – Karsazê Amerîkî û xwediyê Microsoftê Bill Gates, ji kovara The Economist re gotiye, bi îhtimaleke mezin beriya ku pandemiya vîrusa koronaya nû Covid-19 bidawî bibe, wê bi milyonan mirov jiyana xwe ji dest bidin.

Gates ku gelek caran derbarê coronavîrusê de daxuyaniyan dide û herwiha rexne jî lê têne girtin, vê carê ji The Economistê re axivî ye û wiha gotiye:

"Beriya ku pandemî bidawî were bi îhtimaleke mezin wê bi milyonan mirov jiyana xwe ji dest bidin û wê piraniya van mirinan jî ne ji nexweşiya koronayê be, sedema wê jî têkçûna sîstema tenduristiyê û fişara li ser aboriyê be.”