Frontex: 1700 koçberên Iraqî yên ku derbasî Polanda bûne wê pas de bên vegerandin

PeyamaKurd – Ajansa parastina sînorên Yekitiya Ewropa (Frontex) diyar kir, 1700 koçberên Iraqî yên ku derbasî Polanda bûne, wê paş de bên vegerandin.

Ajansa Frontexê daye zanîn, derdora 1700 koçberên Iraqî, ku beşek mezin ji wan Kurd in û xelkê Herêma Kurdistanê ne, bi qaçaxî û bi rêya Belarûs re derbasî Polanda bûne.

Frontex herwiha eşkere kiriye, ew ê tevahiya wan koçberan dîsa vegerînin welatê wan.

Wê ajansê bang li komîsyona Yekitiya Ewropa kiriye, Hikûmeta Iraqê razî bike da ku wan koçberan werbigire da ku ew geştên vegerandina wan organîze bikin.