Fransa: Macron dê desteka xwe ya ji bo Bakur û Rojhilatê Sûriyê bidomîne

PeyamaKurd – Piştî şandeya MSDê û Rêveberiya Xweser a Bakur û Rojhilatê Sûriyê li Parîsê bi Macron re civiyan, Qesra Elysee bi daxuyaniyekê ragihand, Serokkomarê Fransa Emmanuel Macron, dê desteka xwe ya ji bo Bakur û Rojhilatê Sûriyê bidomîne.

Li ser vexwendina Emmanuel Macron, roja Yekşemê şandeya MSDê û Rêveberiya Xweser a Bakur û Rojhilatê Sûriyê li Parîsê bi Macron re civiyan.

Piştî hevdîtinê Qesra Elysee daxuyaniyek belav kir û da zanîn, Macron eşkere kiriye, divê xebatek giştî ji bo aramiya siyasî ya Bakur û Rojhilatê Sûriye, ji bo pêkanîna rêveberiyek giştî were kirin.”

Emmanuel Macron herwiha cesareta şervanên li herêma Bakur û Rojhilatê Sûriyê ya di bin kontrola Kurdan de û fedekariya têkoşîna gelê xwecihî ya li dijî DAIŞê silav kir.

Macron diyar kir, wê Parîs di şerê li dijî ‘terorîzmê’ de, piştgiriya li gel QSDê  berdewam bike.