Firotina bilêtan ji bo Kûpaya Cîhanê dest pê kir
Firotina bilêtan ji bo Kûpaya Cîhanê ya FIFAyê ya 2026an, ku dê li Amerîkayê were lidarxistin, dest pê kir.
RûpelNews - Firotina bilêtan ji bo Kûpaya Cîhanê ya FIFAyê ya 2026an, ku dê bi hevbeşiya Amerîka, Meksîka û Kanadayê were lidarxistin, dest pê kir.
Hat ragihandin ku dê hemû danûstandinên bilêtan ên Kûpaya Cîhanê bi rêya malpera fermî ya FIFAyê (FIFA.com) bên kirin.
Hat diyarkirin ku ji bo kirîna bilêtan, divê bi rêya "fifa.com/tickets" nasnameyeke FIFAyê (FIFA ID) were çêkirin û têkevin hesabê. Piştî têketinê, hilbijartina maç û cihê rûniştinê dikare were kirin.
Hat destnîşankirin ku piştî pêvajoya peredanê biqede, dê e-nameyeke piştrastkirinê ji aliyê FIFAyê ve were şandin û bilêt dê mehek berî maçên hilbijartî peyda bibin.
Hat ragihandin ku heger li ser ekrana kirîna bilêtan welatekî cuda were hilbijartin, dê bilêtên ji bo gelek maçan wekî beşek ji firotina giştî peyda bibin.
