Ezmûna zanîngehê dest pê kir: 2.4 milyon namzet ji bo xewnên xwe beşdar dibin
Ezmûna Saziyên Xwendina Bilind (YKS), ku bi milyonan xwendekar ji bo xewnên xwe yên zanîngehê jê re amadekarî dikirin, îro dest pê kir. Bi giştî 2 milyon û 425 hezar û 628 namzet ji bo 2026-YKSê, ya ku ji aliyê OSYMê ve tê organîzekirin, serlêdan kirin.
RûpelNews - Beşa yekem a ezmûnê, Testa Zanîna Bingehîn (TYT), îro saet di 10.15ê sibehê de dest pê dike. Beşa duyem a YKSê, Testên Zanîna Dersan (AYT), dê sibê saet di 10.15ê sibehê de, û beşa sêyem û dawî, Testa Zimanê Biyanî (YDT), dê saet di 3.45ê piştî nîvro de pêk were.
Serokê OSYMê Bayram Alî Ersoy ragihand ku ji namzedên ku ji bo ezmûnê serlêdan kirine, Milyonek û 324 hezar 509 jin û milyonek 101 hezar û 119 mêr bûn. Ersoy destnîşan kir ku namzedê herî ciwan 16 salî û yê herî mezin 87 salî bû.
Encam 22yê Tîrmehê tên ragihandin
Tê plankirin ku encamên YKSê di 22ê Tîrmeha 2026an de bên ragihandin. Pêvajoya serlêdana zanîngehê dê piştî ragihandina encaman dest pê bike.
Di vê navberê de, Wezîrê Karên Navxweyî Mustafa Çîftçî ragihand ku, wekî beşek ji tedbîrên ewlehiya ezmûnê, dê 44 hezar û 886 karmend û 6 hezar 907 tîm li 11 hezar û 883 dibistanan li seranserê welêt li ser kar bin. Her weha hat ragihandin ku dê 355 ofîsên qeydê di dawiya hefteyê de ji bo namzetên ku nasnameyên xwe winda kirine vekirî bin.
