Bi dronê êrîş li baregeheke Pêşmerge hat kirin
Wezareta Pêşmergeyan a Herêma Kurdistanê ragihand ku êrişek bi droneke bombebarkirî li baregeheke Hêzên Pêşmerge hat kirin. Wezaret vê êrîşê wek kiryarek têkderane binav kir û hişyariyeke tund li hember berdewambûna van êrîşan da.
RûpelNews - Wezareta Pêşmergeyên Herêma Kurdistanê ragihand ku êvarî êrişek bi droneke bombebarkirî li baregeheke wan hat kirin.
Li gor daxuyaniya wezaretê, êriş li baregeha Firqeya 11an a Hêzên Pêşmerge hat kirin. Hat diyarkirin ku ew baregeh li nêzîkî herêma Dêgeleyê ye.
“Kiryareke têkderane ye”
Wezareta Pêşmerge di daxuyaniya xwe de vê êrişê wek “kiryareke têkderane” binav kir.
Wezaretê diyar kir ku ev cure êrîş hewldanek e ji bo aloztirkirina rewşa herêmê û afirandina tevlîheviyê.
Bang li Hikûmeta Îraqê hat kirin
Wezareta Pêşmergeyan bang li Serokwezîrê Îraqê û Fermandarê Giştî yê Hêzên Çekdar ên Îraqê Mihemed Şiya Sûdanî kir.
Wezaretê ji Sûdanî xwest ku li hemberî van “destdirêjî û kiryarên neyasayî” sînorek were danîn. Her wiha hat xwestin ku berpirsiyarên vê êrişê werin dîtin û di dadgehê de werin darizandin.
Hişyariyeke tund: Bê bersiv namîne
Wezareta Pêşmergeyan hişyariyeke tund li hemberî êrişê derxist û got:
“Berdewambûna van kiryarên terorîstî dê bê bersiv nemîne.”
