Erdogan û Serokomarê Iraqê Letîf Resîd li ser çend mijaran axivîn

PeyamaKurd- Serokomarê Tirkiyeyê Recep Tayyip Erdogan û Serokomarê Iraqê Ebduletîf Reşîd pêwendiyeke telefonî pêk anîn.

Hate ragihandin ku Erdogan û Reşîd mijarên wekî têkoşîna dijî terorê,  Projeya Rêya Geşepêdanê û pêwendiyên dualî gotûbêj kirin.

Li gorî daxuyaniya Serokomariya di pêwendiya telefonî de danûstandinên Enqere û Bexdayê, têkoşîna dijî terorê, mijarên herêmî û Projeya Rêya Geşepêdanê hatin axaftin.

Di pêwendiya telefonî de Erdogan û Ebduletîf Reşîd Cejna Remezanê li hevdu pîroz kirin.

Hêjayî gotinê ye, tê çaverêkirin Erdogan di nava vê mehê de serdana Bexdayê bike û bi Serokwezîr û Serokomarê Iraqê hevdîtinan pêk bîne.