Erdogan derbarê Peymana Mekeyê de peyam belav kir

RûpelNews - Serokkomarê Tirkiyeyê Recep Tayyip Erdogan diyar kir ku Peymana Berevaniya Hevbeş a Mekeyê ku ligel Pakistan û Erebistana Siûdî hatiye îmzekirin li ser bingeha têgihîştina rêgirtina hevbeş hatiye avakirin û dê beşdariyê li pêşxistina hevkariya ewlehî û berevaniyê, pêşvebirina projeyên pîşesaziya berevaniya hevbeş û têkoşîna li dijî terorê bike.

Erdogan di peyameke li ser hesabê xwe yê fermî yê Xê de ragihand ku li ser vexwendina Warisê Textê Erebistana Siûdî Mihemed bin Selman serdana Mekeyê kiriye û di dema serdanê de ligel Bin Selman û Serokwezîrê Pakistanê Şehbaz Şerîf hevdîtin pêk aniye. Erdogan bi gotina ku her sê welatan Peymana Berevaniya Hevbeş îmze kirine, wiha got:

"Ev peyman, ku li ser bingeha têgihîştina rêgirtina hevbeş hatiye avakirin, dê beşdariyê li pêşxistina hevkariya me ya ewlehî û berevaniyê, pêşvebirina projeyên hevbeş ên di warê pîşesaziya berevaniyê de û têkoşîna li dijî terorê bike. Ev peyman, ku her wiha mafê berevaniya rewa (wekî ku di xala 51emîn a Peymana Neteweyên Yekbûyî de hatiye diyarkirin) dubare dike, armancê li ti welatekî nagire; berevajî vê, ew ji bo beşdariya hemû neteweyên bira yên ku armanca wan aşitî, geşbûn û aramiya herêma me ye, vekirî ye.

Li gorî vîzyona xwe ya xwedîderketina li herêmê, Tirkiye dê bi biryardarî helwesta xwe ya prensîbî ya derbarê çareserkirina nakokî û qeyranan bi rêya diyalog û dîplomasiyê û li ser bingeha rêzgirtina li yasayên navneteweyî de bidomîne. Ez ji Xwedayê Mezin daxwaz dikim ku serdana me, şêwirmendiyên me û peymana ku me îmze kiriye, bibin sedema encamên bi feyde ji bo tevahiya herêma me."