ENKS û PYD jî di nav de 34 partiyên Rojava banga yekîtiyê kirin

PeyamaKurd – Partiyên siyasî yên li Rojava bang kirin ku "destkeftiyên Rêveberiya Xweser biparêzin" û tekez kirin ku li Sûriyê pêwîstî bi diyalogeke niştimanî ya berfireh heye ji ber ku êrîşên Artêşa Niştimanî ya Sûriyê (ASA) li dijî hêzên Kurdî li Minbicê li bakur berdewam dikin.

Di daxuyaniya hevpar a aliyan de wiha hate gotin: “Di vê qonaxa krîtîk de em bang li hemû pêkhateyên herêmên Bakur û Rojhilatê Sûriyê dikin ku destkeftiyên Rêveberiya Xweser biparêzin û li dora Hêzên Sûriyeya Demokratîk (HSD) bicivin. weke garantorê ewlehî û aramiya herêmên rizgarkirî."

Di daxuyaniya ku ji aliyê 34 partiyên siyasî yên Rojava ve bi serkêşiya Encûmena Niştimanî ya Kurd li Sûriyê (ENKS) û Partiya Yekîtiya Demokratîk (PYD) ve hatiye îmzekirin, tê gotin, "HSD îspat kir ku hêzeke niştimanî ya berfireh e ku bi pirdengî û demokrasiyê wek bingehên avakirina paşeroja Sûriyê girêdayî ye û ji bo parastina gel bi hemû cureyên wan ve girêdayî ye."

Daxuyaniyê tekezî li ser pêwîstiya dabînkirina ewlehî û aramiyê li Sûriyê, teşwîqkirina diyaloga niştimanî ya berfereh û avakirina "Sûriyeyeke piralî, nenavendî û demokratîk" li gel rûxandina rêjîma Beas û Beşar Esed kir.