Emojiyên Alaya Kurdistanê li cîhazên iPhone hatin zêdekirin

PeyamaKurd – Emojiya Alaya Kurdistanê bi rêya Appleê li iPhone 15 û 16ê hatin zêdekirin.

Alaya Kurdistanê êdî bi hişê çêkirî yê Appleê dikare were çêkirin. Appleê beşa emojiya îstîxbarata çêkirî ji rêzikên iPhone 15 û 16ê re vekir. Divê di cihê lêgerînê ya New Genmojiyê de “Kurdistan” bê nivîsandin. Bi dû re emojiya Alaya Kurdistanê dikare ji wan kesan re bê şandin ku iPhoneê bikar nayînin û mîna emojiyekê bê bikaranîn.

Damezrênerê Google Crowdsourceê, Bokan Caf, ku berê di zêdekirina zaravayê soranî ya li Google Translateê bi roleke giring rabûbû, dest bi kampanyaya zêdekirina Alaya Kurdistanê li emojiyan kir.