Efrîn | 2 welatî ji aliyê çekdarên koma El-Cephe El-Samiye ve hatin revandin

PeyamaKurd – Li navçeya Şera ya Herêma Efrînê ya Rojavayê Kurdistanê, 2 welatî ji aliyê çekdarên koma El-Cephe El-Şamiye ya ser bi Tirkiyê ve hatin revandin.

Rêxistina Mafên Mirova ya Efrînê diyar kir, roja 25ê Tebaxa 2022an çekdarên koma El-Cephe El-Şamiye, Aryen Mehmûd Xelîl ê 35 salî û Ehmed Beşîr Xelîl ê 34 salî ji gundê Maeskera yê navçeya Şerayê ya Efrînê revandine.

Herwiha heman çavkaniyê eşkere kir, çekdarên El-Cephe El-Şamiyê ew welatî ber bi cihekî nediyar ve birine û heta niha çarenivîsa wan ne diyar e û hat ragihandin ku Aryen Mehmûd Xelîl beriya niha jî ji aliyê çekdarên ser bi Tirkiyê ve hatibû girtin û piştî dayîna fîdyeyê hatibû berdan.