Di teqîna Babê de hejmara kustî û birîndaran gihîst 95 kesan

PeyamaKurd – Hat ragihandin ku di encama teqandina otomobîlekê li nêzîkî garaja bajarê Babê de, hejmara kuştî û birîndaran zêde bûye û gihîştiye 95 kesan.

Doh 6ê Cotmehê li bajarê Babê yê ku di bin kontrola artêşa Tirkiye û komên çekdar de, otomobîleke bombelêkirî nêzî mizgefta Osman hatibû teqandin.

Li gorî zanyariyên herî dawî, herî kêm 22 kes di wê teqînê de hatin kuştin û zêdetirî 75 kes jî birîndar bûn ku ziyaneke mezin jî gihîştiye cihê teqînê.

Li gorî çavkaniyên xwecihî piştî teqînê bi sedema nebûna xizmetguzariyan û têkçûna ewlehiyê xelkê bajarê Babê li dijî komên çekdar û artêşa Tirkiyê xwepêşandanek li dar xist.