Di êrişa li Hurmizê de xwîn rijiya: Îmarat Îranê tawanbar dike ku êrîşî tankeran kiriye
Wezareta Parastinê ya Îmaratê ragihand ku du tankerên sotemeniyê yên bi ala Îmaratê, li korîdora başûr a Tengava Hurmizê di nav avên axa Umanê de, bûn armanca mûşekên keştiyî yên ku ji Îranê hatin avêtin. Di êrîşê de hat ragihandin ku endamekî ekîbê hat kuştin û heştên din jî birîndar bûn.
RûpelNews - Wezareta Parastinê ya Îmaratê ragihand ku tankerên sotemeniyê yên bi ala Îmaratê, 'Mombasa' û 'Al-Bahia', ku li korîdora başûr a Tengava Hurmizê di nav avên axa Umanê de cih digirtin, ji aliyê du mûşekên keştiyî yên ku ji Îranê hatine avêtin ve hatine kirin armanc.
Li gorî daxuyaniyeke ku li ser hesabê Xê Wezaretê hate weşandin, di êrîşê de endamekî ekîbê yê Hindî yê ku li ser tankera "Mombasa" dixebitî jiyana xwe ji dest da. Hat ragihandin ku heşt endamên ekîbê birîndar bûne, çar ji wan bi giranî, û şeş ji birîndaran welatiyên Hindistanê û du jî welatiyên Ukraynayê ne.
Di keştiyê de şewar derket
Di daxuyaniyê de hat destnîşankirin ku piştî êrîşên mûşekî, li her du keştiyan şewat derket û zirareke madî çêbû. Hat ragihandin ku şewat piştî mudaxeleya tîman hat kontrolkirin.
Îmaratê daxuyaniyeke tund da
Wezareta Parastinê ya Îmaratê êrîş şermezar kir û wekî "binpêkirineke eşkere ya hiqûqa navneteweyî û gefeke cidî li ser ewlehiya herêmî" bi nav kir.
Di daxuyaniyê de hat destnîşankirin ku dê hemû tedbîrên pêwîst werin girtin ji bo parastina serwerî, ewlehî û berjewendiyên neteweyî yên welêt û her wiha hat gotin ku Îmarat mafê bersivdana li hember van geşedanan ji xwe re parastî dihêle.
Wezaretê her wiha bang li gel kir ku tenê xwe bispêrin daxuyaniyên ji çavkaniyên fermî, û li dijî dezenformasyon û îdiayên bêbingeh hişyarî da.
Îranê jî, ji aliyê xwe ve, heta niha derbarê îdiayên Îmaratê de daxuyaniyeke fermî neda ye.
.jpg)
