Desteya Meteorolojî û Erdhejê ya Iraqê rapora meha Çileyê eskere kir

PeyamaKurd – Desteya Meteorolojî û Erdhejê ya girêdayî Wezareta Veguhestinê ya Iraqê ragihand ku tenê di meha borî de 92 erdhej hatine tomarkirin.

Di raporê de ku roja Yekşemê 9ê Sibata 2025an hatiye weşandin, Wezaretê eşkere kiriye ku di meha borî de 62 erdhej li Iraqê rû dane û li welatên cîran jî bi giştî 30 erdhej hatine tomarkirin ku 22 ji wan li Îranê û 8 jî li Tirkiyê bûne.

Di raporê de herwiha agahî hat dayîn ku li Xaneqînê 43, li Nînowa 5, li Hewlêrê 5 û li Silêmaniyê 4 erdhej pêk hatine.

Li gorî vê raporê, li Mîsan 2, li navçeya Havice ya parêzgeha Kerkûkê 2 û li Duhokê erdhejek çêbûye.